Formale Semantik

Die formali Semantik beschäftigt sich mit dr exakte Bedütig vo künstlige oder natürlige Sprooche. Dr Underschiid zur Semantik im allgemäine Sinn, wie si vor allem in dr Filosofii und dr Linguistik bedriibe wird, isch, ass die formali Semantik mit räin formale, logisch-mathematische Methode schafft.

Formali Semantik wird in dr Logik, in dr Informatik und in dr Linguistik bedriibe. Wil exakti Bedütigstheorie für die drei Diszipline seer wichdig si und wil sich iiri Schwerpünkt und Ziil – zum Däil au wäge de underschidlige Methode – underschäide, het jedi vo dene Wüsseschafte hüte en äignigs Däilgebiet, wo als formali Semantik bezäichnet wird. Die formali Semantik us dr Logik, dr Informatik und dr Linguistik si aber in e Hufe Hiisichte mitenander verflochte und grift hüfig ufenander bzw. uf d Resultat vo de andere Diszipline zrugg.

Die modärni formali Semantik het iiren Ursprung in Aarbede vom Alfred Tarski, Richard Montague, Alonzo Church und andere.